بمناسبة كل التريقة والقلش اللي طلع علي الجيش من بعد ازمة لبن الاطفال ..عندي كلمتين عاوزه اقولهم للتاس اللى الفاضيه وما فيش وراها غير التريقه
اولاً فكرة انك تتريق علي اي حاجة في الدنيا دي مش عيب.. ممكن تهزر براحتك .. احنا اصلا شعب دمنا خفيف وابن نكته حتي في وسط الازمات بنطلع نكت و بنتريق حتي علي نفسنا..
يمكن كمان جزء مهم من اسباب فشل الاخوان انهم يعرفوا يحكمونا ان دمهم كان تقيل قوي بصراحة!!
بس المشكلة لما التريقة تبقي وصلت للمرحلة دي .. يبقي لازم ناخد بالنا ..
في البداية لازم نقول ان الجيش بيدفع تمن دخوله في الحياة المدنية بصورة زيادة عن اللزوم .. بيدفع تمن فشل الحكومة المتواصل و المستمر و اللي مش بيخلص ولا بيتصلح !
الدولة اللي الجيش فيها يتدخل لانقاذ اطفالها و يوفرلهم لبن يبقي مفيهاش وزارة صحة و لا حكومة اصلاً يا اعزائى المحترمين ..و يبقي بقاء الوزير و الحكومة كلها في مكانها غير صالح!
دخول الجيش كحل مستديم مش صح ..انا معاك.. بس برضه انك تسخر من جيشك انك تتريق عليه بالشكل اللى يفور الدم ده ..يبقي لازم ناخد بالنا...!
لازم ناخد بالنا عشان التريقة اللي بتضحكك دي تدريجياً بتهد في اللاوعي عندك ثوابت قومية في ممكن توقع البلد كلها.. التريقة دي بتخليك تستهتر باشياء كتير المفروض انها اكبر من انك تتريق عليها.. و طبعاً حبايبنا الاخوان زايطين في الزيطة و وبيشعللولها زياده لان اي انهيار للجيش او للدولة دي هو انتصار ليهم بصورة مباشرة !وانت بتساعدهم على كده من غير قصد طبعا لانك مش مدرك حجم اللى انت بتعمله
تدريجيا هتبدأ تبص للجيش علي انه عدوك.. هتتسبب فى انهياره وسقوطه وانت مش مدرك.. تدريجياً هيجيلك احباط من اي حاجة عليها النسر ..هتشكك في اي خبر تقراه.. هتلاقي مكنة الاشاعات اشتغلت.. واللي هتلاقي كل كلامها منطقي.. اصلاً هما اساتذه في الموضوع ده.. بيدوك خبر ٩٠٪ منه صحيح.. و حتة واحدة غلط.. و هذا هو المطلوب .. هتبتدي تستنكر كل حاجة .. لحد ما ينجحوا انهم يخلوك تكرهه وتلعن الجيش و بتتهمه باتهامات فساد و غيرها.. ساعتها الجيش يفقد ظهيره الشعبي والايد الواحده .. و هنا كل سنة و انت طيب.. البلد راحت فى خبر كان يا محترم!
باختصار الجيش مينفعش يبقي الحل في كل حاجة في البلد.. ده حقيقي.. بس بلاش تتجر في سكة التريقة علي الجيش بالاسلوب المقزز ده .. لان ده بالظبط الهدف من اللعبه الشعب يفقد الثقه فى الجيش !
او من هنااا